„Воден змеј“ закопан повеќе од 150 милиони години бил откриен од индиски истражувачи, и е првиот ихтиосаурус ( „рибен гуштер“ на грчки) од времето Јура кој било кога е пронајден во Индија.
Ихтиосаурусите биле океански предатори кои живееле заедно со диносаурусите од Мезозојската ера пред 250 милиони години, а примерокот од Индија се смета дека е од офталмосауридната фамилија на ихтиосауруси – така наречена поради екстремно големите очи.
На добро сочуваниот скелет му фалат само некои делови од опашот и предниот дел, а тимот кој го открил смета дека тоталната должина на суштеството би била околу 5.5 метри.
Офталмосауридите постоеле пред помеѓу 165 и 90 милиони години, а индискиот примерок е стар помеѓу 152 и 157 милиони години.
Во наредните неколку години, планот е детално да се истражи регионот Кач во потрага по уште фосили на ихтиосауруси и останати морски рептили.