Во септември 2017, неколку агенции за набљудување детектирале необично количество на радијација над поголемиот дел од Европа, а европските земји сугерирале дека изворот на тој облак би можела да биде Русија, што руските авторитети го негираа.
На 21 ноември, Руската агенција за метеоролошки услуги Рошидромет ги потврди наодите на Францускиот институт за заштита од радијација и нуклеарна безбедност (IRNS), една од првите агенции која го забележала зголеменото ниво на рутениум-106, радиоактивен изотоп на реткиот тежок метал рутениум.
На 9 ноември, IRNS објави дека во периодот од 27 септември до 13 октомври детектирале рутениум-106 над Франција со нивоа 1000 пати повисоки од нормалните. Истиот според нивните премерувања потекнувал некаде помеѓу Волга и Уралите.
Дали тоа значи дека европјаните треба да се загрижени поради повисоки од нормалните нивоа на радиоактивниот изотоп над континентот?
Според IRNS, одговорот е „не“, бидејќи детектираните нивоа немаат никакво влијание врз здравјето на луѓето и околината, а по 13 октомври веќе не биле детектирани никакви траги на изотопот врз Франција.
Според научниците, најверојатно се работи за некое протекување од постројка за преработка на горива или од некаде каде што рутениумот се двои за користење во медицински радиофармацевтски/дијагностички материјали.