Комарците предизвикуваат повеќе смртни случаи годишно отколку било кое друго животно на планетата.
Овој инсект има лоша репутација за ширење на разни болести, а неодамнешен експеримент би можел да претставува пресврт во т.н „војна врз комарците“, бидејќи нè обезбедува со изненадувачко потенцијално револуционерно „оружје“ – способноста да ги тренираме комарците.
Според студија направена на универзитетот во Вашингтон, кога ќе „плеснете“ кон комарец кој сака да ве касне, тој ова за него животно загрозувачко искуство го асоцира со вашиот персонален мирис и ве избегнува во иднина. Ова е првата демонстрација која покажува дека комарците се способни да учат и помнат.
Комарците не касаат случајно – одредени мисири ги привлекуваат повеќе отколку некои други. Генерално речено, човечкиот мирис е особено атрактивен за нив, меѓутоа кога некој се обидува да смачка комарец, тоа креира малечки вибрации на кожата кои го спречуваат неговиот обид за каснување.
Во оваа студија, истражувачите ги рекреирале овие вибрации во сесии кои траеле 20 минути и откриле дека кога каснувањето било сопрено поради нив, инсектите го избегнувале тој мирис следните 24 часа.