На крајот на последното Ледено доба, додека мамутите и пештерските лавови чекореле по земјата, група луѓе во Сибир почнале од дрво да делкаат статуа со човечка форма чија намена сè уште не се знае, но ново истражување открило дека овој дрвен идол е двојно постар од големите пирамиди во Гиза.
Статуата првпат била откриена во 1894, закопана на длабочина од 4 метри, а била пронајдена во неколку секции кои биле споени во 1914, откривајќи дека таа некогаш била 5.3 метри исправена (иако не сите нејзини делови преживеале).
Сега, користејќи ги најмодерните техники, било откриено дека идолот бил изделкан од единечно парче дрво пред некои 11 600 години (претходно се сметало дека неговата старост е 9800 год.), што е двојно постаро од пирамидите во Египет, правејќи го најстарото дрвено уметничко дело кое преживеало толку време.
Она што е интересно е дека стилот на идолот од Шигир е неверојатно сличен на други големи статуи од Леденото доба откриени во Göbekli Tepe во Турција, а единствената разлика е материјалот од кој биле изработени статуите од таму.
Ова сугерира дека културата на создавање на овие огромни симболични и најверојатно ритуални уметнички дела не потекнува од едно место, туку била раширена во неколку различни центри истовремено.