Нова студија на сателитските податоци покажува дека температурата во долините на Антарктикот може да достигне блиску до -100°C, во однос на претходниот рекорд во истата област од -93°C.
Научниците дошле до новата бројка анализирајќи ги сателитските отчитувања на температурите на Источно-Антарктичкото плато кое го покрива Јужниот Пол и рекалибрирајќи ги тие со податоците земени од метеоролошките станици на земјата.
Новата oофицијална најниска температура е -98°C за која интернационалниот тим научници кои работеле на студијата сметаат дека е „најниската возможна ниска температура“ која може да се постигне на Земјата. Тие велат дека самите не се наоѓале во такви температурни услови, но дека им имаат кажано дека секое земање здив е болно и дека треба исклучително внимавање да не се замрзне дел од грлото или белите дробови при инхалирање.
Најниската температура била откриена во малечки џебови во мразот, длабоки до 3 метри.
Најниската температура, пак, измерена на земјата била од истражувачите од станицата Восток во Русија (исто на Источно-Антарктичкото плато) кои измериле -89°C во јули 1983.
Новиот рекорд е можно да не биде срушен уште долго, долго време, бидејќи зголемените нивоа на јаглерод диоксид во атмосферата и повисоките нивоа на водена пареа која е резултат на тоа, значи дека условите потребни за супер-студени температури (како што е сувиот воздух) ќе стануваат сè поретки.