Длабоко во рудниците, на дното на океаните, па дури и во нашите сопствени стомаци, бактериите создаваат електрицитет со цел да преживеат во опкружувања каде има малку кислород.
Овие потенцијални малечки создавачи на електрицитет сега се користат во разни експерименти и еден ден ќе можат да напојуваат сè од батерии па до т.н „биодомови“.
Постојат многу различни видови на бактерии способни да создаваат електрицитет, но истите се тешки и скапи за размножување во лабораториски услови, со тоа забавувајќи ја нашата способност да развиваме нови технологии кои би ги искористиле.
Сега, нова техника е развиена од инженерите од MIT која значително го олеснува сортирањето и идентификувањето на бактерии кои создаваат електрицитет, што ги прави поподготвени за користење во постоечките технолошки апликации.
Ваквите бактерии создаваат електрони во нивните клетки и ги ослободуваат низ малите канали во нивните клеточни мембрани во процес кој се нарекува EET - екстрацелуларен трансфер на електрони.
Сегашните процеси за нивно идентификување вклучуваат мерење на активноста на ЕЕТ протеините, што е тежок и долготраен процес.
Истражувачите понекогаш користат и процес наречен диелектрофореза за одвојување на два вида бактерии базиран на нивните електрични карактеристики, кој може да се користи за откривање на разлики помеѓу два различни вида на клетки, на пример од жаба и од птица.
Тимот од MIT успеал да ги издвои клетките така што врз бактериските нишки во микрофлуидни канали во форма на песочен часовник била аплицирана струја со мала волтажа, за потоа врз база на волтажата потребна да се манипулираат бактериите да биде пресметана поларизацијата на секоја од нив – односно способноста на клетката да создава електрицитет во електрично поле.
Следен чекор за тимот е тестирање на бактерии кои се сметаат дека се силни кандидати за создавање на разни видови батерии.