Истражувачите од универзитетот во Конектикат и Торонто развиле вештачка кожа која на носителот – човек или робот – ќе му овозможи „натчовечки“ способности.
Оваа кожа е опремена со мултифункционални сензори кои се способни да почувствуваат силно магнетно поле, звучни бранови, промени во притисокот и слично нешто што не го може „обичната“ човечка кожа. Со други зборови, нејзините карактеристики би биле слични, на оние на костимите на суперхероите како Спајдермен.
Ваквата кожа би имала бројни примени – би можела да се користи за асистирање при отстранување на опасни материјали, мисии за спасување или за далечинско набљудување на здравствена грижа на некој пациент, или пак за повторно овозможување на дел од чувствата кај луѓето со ампутирани екстремитети или со изгореници на кожата.
Таа користи мултимодален трибоелектричен наногенератор базиран на феррофлуид (FO-TENG) - вид на течност од наночестички железо оксид кои можат да реагираат на магнетни полиња.
Кожата има одлична водоотпорна способност како и можност за истегнување и би можела со години да си ја задржи формата.
Истражувачите се надеваат дека оваа футуристичка кожа ќе можат да ја донесат на пазарот за неколку години, откога ќе биде одобрена од американската администрација за храна и лекови.