Во раните часови на 30 септември 1888-ма, телото на Кетрин Едоус било пронајдено во локва крв на маглестите улици во Лондон. Таа е дел од многуте жени за кои се верувал дека биле убиени и измасакрирани од неидентификуваниот сериски убиец познат како „Џек Мевосек“.
Сега, нов ДНК доказ добиен од свилен шал наводно пронајден на местото на злосторството, наведува кон човек за кој долго време се шпекулира дека е убиецот – Арон Космински.
Научниците направиле досега најнапредна генетска анализа на единствениот физички доказ поврзан со овие убиства, а откритието сугерира дека убиецот на Едоус бил Космински, еврејски полски бербер кој бил еден од главните осомничени од страна на полицијата.
Двајца истражувачи собрале генетски информации од потомците на жртвата и осомничениот, како и од сегашниот сопственик на шалот и од целиот лабораториски персонал кој имал контакт со него. По анализата, генетски секвенци од еден роднина на Космински се совпаднале со митохондријалната ДНК добиена од флека од сперма на материјалот. Овој ДНК доказ исто така сугерира дека осомничениот имал црна коса и темна боја на очи, што се совпаѓа со исказот на единствениот сведок на настанот, како и со физичкиот опис на Космински кој бил сместен во лудница во март 1889.