Научниците од NUS (националниот универзитет во Сингапур) инспирирани од подводните безрбетници како медузите креирале електронска кожа со слична функционалност.
Како и медузите, оваа кожа е транспарентна, чувствителна на допир, самата заздравува во водено опкружување и е растеглива, а може да се користи за сè од водоотпорни екрани чувствителни на допир до водени меки роботи.
Тимот воден од асистент професорот на одделот за инженеринг и наука за материјалите на NUS , Бенџамин Ти, во колаборација со универзитетот Риверсајд во Калифорнија и универзитетот Цинхуа во Пекинг поминале над една година развивајќи го овој нов материјал,
Бенџамин бил дел од тимот кој ги развил првите сензори за самозаздравувачка електронска кожа во 2012-та. За да се направи кожата, прво бил креиран гел од флуоројаглероден полимер со јонска течност богата со флуор, комбинација која го овозможува самозаздравувањето.
Она што го прави овој материјал различен од повеќето други кондуктивни полимерски гелови (како хидрогеловите) е тоа што не набабрува кога се потопува во вода и не се суши кога е долго време на воздух, туку ја задржува формата и во влажни и во суви опкружувања.
Електронската кожа е креирана со 3D принтање на новиот материјал во електронски кола. Mоментално, тимот истражувачи се надева дека ќе го усовршат овој материјал кој во почетокот би се користел за создавање на уреди кои емитуваат, востановуваат и контролираат светлина и кои би се употребувале во комуникациски интерфејси помеѓу луѓето и машините.