Маријанскиот ров е најдлабокиот природен океански ров чија најдлабока точка е скоро 11 километри.
Досегашната најсеопфатната микробиолошка анализа покажала дека таму постои нов вид на бактерија која се храни со состојки слични на оние кои ги има во нафтата. Научниците досега имаат откриено слични организми, но никогаш на оваа длабочина.
Концентрациите на овој микробен планктон биле пронајдени на длабочини каде притисокот е еквивалентен на еден тон притиснат врз нокт.
Се работи за нова група јаглеводородно-разградувачка бактерии. Ваквите видови на микроорганизми во суштина се хранат со соединенија слични на оние од нафтата, кои потоа ги користат за гориво т.е за преживување. Слични такви организми играле и улога во деградирање на истечената нафта од разни катастрофи како онаа на BP во 2010 во Мексиканскиот залив.
Без разлика дали еден ден ќе успееме да ги „регрутираме“ ваквите организми за чистење на истечената нафта, истражувачите се повеќе заинтересирани како овие бактерии се хранат толку длабоко под вода и што се храни со нив.
Било откриено дека јаглеводородите постојат и на длабочини од 6 километри од кои значаен дел потекнуваат од површинското загадување на океаните, но исто така биле идентификувани биолошки создадени јаглеводороди во океанскиот седимент на дното на Маријанскиот ров.
Следниот чекор ќе биде да се соберат повеќе информации за нив и од каде би можела да потекнува нивната храна – поточно од кои природни или неприродни извори.