Законот кој се однесува на третирањето на човечките остатоци донесен од законодавната власт на Вашингтон треба да биде потпишан од демократскиот гувернер Џеј Ајнсли.
По ова на луѓето ќе им се даде избор телото на нивните починати сакани да се претвори во еден вид на органско ѓубриво преку процесот на алкална хидролиза.
Корпорацијата Recompose соработувала со пратениците и научниците со надеж дека ќе може да ја нуди оваа услуга откако ќе се донесе законот. Процесот се состои од ставање на телата во ротирачки уред чија температура се контролира и по чие завршување (по околу еден месец) од една личност се добива околу 1 кубен метар почва која потоа нејзините блиски ќе можат да ја однесат дома и да ја искористат за садење.
Повеќето луѓе во САД, а и низ светот или ги закопуваат, или ги кремираат нивните починати сакани, а и двата методи влијаат лошо на животната средина.
Класичните закопи побаруваат голем простор и претставуваат ризик за загадување на подземните води со течноста за балсамирање, особено во густо населените области, додека кремациите ослободуваат јаглерод диоксид кој допринесува за глобалното затоплување. Во споредба со индустриското загадување, количината на јаглерод диоксид од кремирањето е релативно ниска (400kg CO2), но сепак многумина го чувствуваат нејзиниот ефект.