Научниците од националната лабораторија Лоренс Беркли креирале најнов вид на пластика способна да се рециклира постојано, без притоа да го изгуби квалитетот.
Многу пластики во себе содржат хемикалии како бои или пластификатори, кои остануваат и по рециклирањето. Различните видови на пластика – цврсти играчки, флексибилни материјали, кеси и слично можат да се мешаат, мелат или топат за да формираат нови материјали, меѓутоа отпадот кој останува ги спречува тие да бидат комплетен рециклирачки ресурс. Така, на пример, пластични кеси често пати или се горат за да се уништат или се фрлаат на депонии.
Тимот научници од Лоренс Беркли креира нова пластика користејќи материјал наречен поли(дикетонамим), или скратено PDK. Во него, мономерите – молекулите кои можат да се сврзат со други идентични молекули за да формираат полимер – можат да се ослободат од пластиката преку нејзино потопување во силен киселински раствор кој ги уништува нивните врски. Откако тоа ќе се случи, овие мономери можат повторно да се искористат за создавање нов полимер со идентична боја и форма.
Ваков материјал потенцијално би можел да го револуционизира пластичниот отпад и значително да го намали на светско ниво, бидејќи скоро целата сегашна пластика е дизајнирана да се употреби само еднаш и потоа да се фрли.
Следно на агендата на тимот е да се усовршат термалните и механички карактеристики на PDK пластиката за да се користи за вметнување во текстил, 3D принтање и за изработка на пени.