Габа со ген од пајак успешно убива комарци

Доколку сакаме да ја спречиме маларијата да убива повеќе од 400 000 луѓе секоја година, мора да изнајдеме начин да ги сопреме комарците кои ја пренесуваат.

Истражувачи од универзитетот на Мериленд (UMD) генетски модифицирале габа да создава отров од пајак кој ги убива комарците, а кога ја тестирале надвор од лабораторија, популацијата на комарци била редуцирана за повеќе од 99%.

Габата која истражувачите ја модифицирале веќе ги убива комарците во природата, но не е доволно брза, што значи дека тие имаат доволно време да инфицираат некого со маларија пред да умрат.

За да го забрзаат овој процес, тимот ја модифицирал габата да создава токсин добиен од отровот на австралискиот Blue Mountains пајак, а потоа ја тестирал во „MosquitoSphere”, затворено опкружување во Западна Африка дизајнирано да имитира село. Така, за само 45 дена популацијата на комарците во него скоро и да изумрела, бидејќи габата ефективно ги убивала и комарците кои биле отпорни на инсектициди.

Некои научници сметаат дека и покрај тоа што габата е исклучиво ефективно, ослободување на ваков генетски модифициран организам во природата би можело да предизвика непредвидени негативни ефекти врз екосистемот, да влијае на полинаторите, лилјаците и пчелите.