Во 2018-та, израелската стартап компанија за производство на храна Aleph Farms го креирала првиот лабораториски израснат бифтек во светот, чија текстура и структура била идентична на бифтекот кој може да се купи во месарниците и супермаркетите.
Компанијата се надева дека еден ден ќе овозможи пристап на вакво месо добиено без убивање на животни на сите на Земјата, па можеби и во Вселената. Aстронаутите сега го искористиле процесот на Aleph Farms за успешно да израснат месо на Интернационалната Вселенска Станица (ISS).
Овој експеримент, прв од овој вид, бил направен во рускиот сегмент на ISS, а астронаутите користеле 3D биопринтер развиен од руската компанија 3D Bioprinting Solutions за со негова помош во мускулно ткиво да ги формираат говедските клетки испорачани од Земјата.
Со други зборови, тие „пораснале“ малечко парче бифтек во микрогравитација. Овој експеримент служел како доказ за функционирање на концептот на креирање на вештачко месо во Вселената, со процес кој функционирал во екстремни услови.