Истражувачи од универзитетот на Рочестер создале метал кој одбива вода и креира џебови воздух кој му овозможуваат да плови во било кои услови. Тие веруваат дека овој метал може да го револуционизира дизајнот на бродовите и да помогне во креирањето на бродови кои се непотопливи.
Тајната на металот е во специјалната шара која е изгравирана на неговата површина и која го заробува воздухот и спречува водата да направи директен контакт со него, туркајќи го од неа. Оваа „суперхидрофобична“ техника на гравирање била инспирирана од природниот свет – телата на одредени видови на мравки се хидрофобични, а пајаците можат да ткаат мрежи под вода користејќи ги нивните тела за да го заробат воздухот и со нив да го однесат под површината на водата.
За да демонстрираат како овој метал се однесува, истражувачите направиле експеримент со два навидум идентични метални дискови. Едниот диск бил од „нормален“ метал, додека вториот бил од новиот материјал направен со специјалната техника за гравирање. Резултатите покажале дека гравираниот диск „одбивал“ да потоне, дури и кога бил со сила туркан под водата.
Металот ги задржува тие карактеристики (одбивање на вода) дури и кога е оштетен. Истражувачите издупчиле неколку дупки во дискот и тој сè уште пловел на површината дури и кога неговиот структурен интегритет бил компромитиран.