Тим научници од Калтек и Стенфорд прицврстиле микроелектроника со низок напон на долниот дел на медузи, за да креираат „биохибридни роботи“ кои можат да пливаат 3 пати побрзо од нормалните медузи.
Идејата е еден ден ваквите „киборг медузи“ опремени со сензори да ги истражуваат пространите длабочини на океаните, наместо за тоа да се користат не толку ефикасни подморници и дронови.
Во тестирањата, научниците заклучиле дека медузите биле способно да се движат 3 пати побрзо, без тоа да им штети на метаболизмот.
Благодарение на едноставноста на дизајнот, електрониката користела значително помалку екстерно напојување во споредба со другите водени роботи.
Киборг медузите би можеле да го револуционизираат начинот на кој што ги истражуваме мистериите на океаните, а за тоа да го постигнат, истражувачите сакаат да додадат можност за далечинско контролирање на медузите, што би се постигнало со мали модификации на микроелектрониката.