Бетон кој се превиткува направен од отпадни материјали

Истражувачи од универзитетот Свинбурн во Австралија креирале и патентирале бетон направен од отпадни материјали (како пепелта од електраните на јаглен). 

Тој е „позелена“ алтернатива на цементот и користи 36% помалку енергија од конвенционалниот бетон.



Новиот материјал може да се превиткува кога е изложен на големи тежини и е погоден за конструкција во зони на земјотреси каде конвенционалниот бетон често може да напукне и колабира. Во него исто така има и кратки полимерни влакна кои овозможуваат да не се скрши кога е под тензија.

Со користење на индустриски отпадни материјали, истражувачите го направиле продуктот многу поодржлив, а исто така биле намалени и емисиите на штетни гасови за време на производството (76% помалку јаглерод диоксид) бидејќи тој се стврднува на собна температура.

Лабораториските тестови покажале дека новиот бетон има 400 пати повеќе превиткувачки својства од нормалниот и покрај тоа што имаат слична цврстина.