Во април 1986-та, нуклеарната катастрофа во Чернобил ја потресе целата планета.
По експлозијата, оваа радиоактивна локација станала место каде истражувачите можеле да истражуваат како нуклеарниот материјал кој бил ослободен во неа влијаел и на планетата и на животинскиот свет.
Во 1991-ва, тим научници открил габи со црни точки кои растеле на ѕидовите на еден од нуклеарните реактори, при што било заклучено дека тие полека го разложувале радиоактивниот графит кој бил исфрлен од јадрото, и повеќе растеле кон центарот на зоната каде што била експлозијата.
Во 2007-ма, во нова студија направена од истражувачите од универзитетот на Саскачеван било откриено дека одредени видови на габи ги „привлекува“ радијацијата и дека побрзо растеле во радиоактивни опкружувања.
Трите видови на габи биле Cladosporium sphaerospermum, Cryptococcus neoformans, и Wangiella dermatitidis, кои со уште два вида биле испратени на Интернационалната Вселенска Станица во 2016-та, каде биле експонирани на радијација.
Резултатите од ова истражување сè уште не се објавени, а научниците и истражувачите се надеваат дека новите откритија ќе им помогнат да креираат суплементи кои би асистирале во заштитата на идните астронаути кои го напуштаат земјиното магнетно поле и се експонирани на високо ниво на радијација.