Научниците од Дејвис, Универзитетот од Калифорнија, спроведоа истражување за тоа како се менува квалитетот на храната во однос зголемувањето на јаглеродиоксидот во воздухот и дојдоа до интересни заклучоци. Резултатите покажуваат дека со се поголемата концентрација на јаглерод во воздухот, се намалува квалитетот на житните растенија.
При зголемено количество на CO2 се оневозможува трансформацијата на нитрати во протеини, па така студијата открива дека поради гасот пченицата, пченката, оризот и во некои случаи и компирот содржат помали количества на протеини од нормалното.
Обработката на азотот игра важна улога во растот, развојот и продуктивноста на растенијата. Овој процес е мошне важен бидејќи притоа се добиваат протеини кои се значајни за човечката исхрана.
Претходно беа направени лабораториски истражувања, но ова е прва студија изведена на терен која ги потврдува претходните претпоставки. Во просек од зголемената концентрација на јаглеродиоксид протеините во житните растенија се намалуваат за 8 отсто.