Големиот Корален Гребен во Австралија е еден од најубавите и најголемите корални гребени во светот кој е настанат како резултат на активност која траела околу 10 илјади години.
Овој и сличните гребени се дел од најбогатите екосистеми на планетата кои изобилуваат со најразлични видови на риби и се живеалиште на илјадници подводни растенија.
Сепак, со текот на годините и под влијанието како на човекот така и на природата, овие гребени се изложени на уништување.
Белградскиот архитект Маргот Красојевиќ верува дека нејзиниот концепт за создавање на вештачки гребени под дејство на електрично поле, засекогаш ќе го измени тоа. Нејзиниот вештачки корален гребен го привлекува калциум карбонатот од водата што пак помага да се забрза процесот на размножувањето на коралот.
Красојевиќ го замислува гребенот на иднината како голема подвижна челична конструкција која што ќе биде поврзана со сончеви панели на површината од водата.
На деловите кои ќе бидат под водата ќе има корал кој под дејство на струјата и калциумот од водата понатаму ќе може да се размножува.
Конструкцијата треба да има мал напон за да им овозможи на нуркачите слободно да се движат околу гребенот. Иако идејата за почеток звучи и изгледа мошне футуристички, несомнено е дека станува збор за интересен концепт кој може да помогне во зачувувањето и создавањето на богатиот подводен свет.