Зборот „извини“ е сосема обичен збор – но со магична моќ, која може за само една секунда да смени сè! Џабе ви се скапи поклони или букет цвеќе, доколку прво не го изговорите овој збор.
Сега веќе и научниците докажаа дека извинувањето навистина функционира. Едно обично „извини“ може да ги промени мислите на жртвата од одмазда па сè до прошка, сметаат научниците од САД. Дури и криминалците кои се извинуваат веќе не се гледаат со исти очи, а може да бидат и помилувани.
Психолозите од три американски универзитети проучиле 337 личности кои ја довеле врската во опасност. Потоа ги анализирале ефектите за време на процесот на исправување на веќе направената грешка и сфатиле дека извинувањето е многу важен дел и токму тој дел довел до повторно смирување.
- Преку извинувањето му докажувате на вашиот партнер дека сè уште ви значи. Исто така ги смирувате чувствата на одмазда и го истакнувате чувството на прошка, изјавија научниците.