Кога ќе го погледнете небото над Австралија изгледа како да се случува вистински вонземски напад. Сепак, станува збор само за облаци со мошне необична форма кои се јавуваат како резултат на редок метеоролошки феномен.
Овие облаци кои наликуваат на бранови или пак на долги цилиндри може да се протегаат на должина и до 1000 километри.
Нивниот облик се добива при пад на температурата, скок на притисокот и силен ветар. При овие услови, воздухот во предниот дел на облакот се движи брзо, а оној во задниот дел паѓа надолу и се прави облик на цилиндер.
На небото може да се појават и до 10 вакви облаци кои се движат од 10 до 20 метри во секунда или околу 60 километри за еден час. Вообичаено се појавуваат на пролет и во периодот помеѓу септември и ноември.