Распослани по целата површина на Јордан, 12-те кругови претставуваат мистерија за археолозите.
Познати под името Големите кругови, кружните структури може да се видат од сателит и од авион. Нивниот првичен број изнесуваше 11, се до неодамна кога е откриен и 12-тиот.
Пречникот на круговите се движи од 220 до 455 метри, а за прв пат се забележани уште во 1920-тите години. Се претпоставува дека се направени уште пред 2000 години, но може да се и датираат и од порано.
-По пејзажот на Блискиот исток густо се расфрлани кружни и под-кружни камени структури, вели професорот Дејвид Кенеди од Универзитетот на Западна Австралија.
Неговиот тим ги истражува круговите во Јордан, како и оние во Сирија со цел да открие дали постои некаква поврзаност и која е причината за нивното постоење.
Некои од круговите се толку прецизно изработени што сугерира на тоа дека при нивната изработка биле потребни повеќе луѓе.
Се верува дека се поставувани со помош на јаже кое било заврзано во центарот на кругот и потоа врз основа на исто растојание се поставувале камењата.
Следната цел на археолозите е да извршат ископувања на местата каде што се лоцирани круговите со цел подобро да ја анализираат конструкцијата и целата на нивното поставување.