Многумина зборуваат за моќта на позитивното размислување и за тоа како истото ги менува луѓето, но и сè она што се наоѓа околу нив.
Доктор Масару Емото, научник и алтернативен лекар од Јапонија е еден од ретките кои се занимаваат со оваа проблематика и научно се обидува да го докажe тоа. Емото стана познат по неговиот експеримент со вода во 2004-та.
Група луѓе од Токио се фокусирале на тоа да испраќаат позитивни мисли кон примероци вода ставени во електромагнетно заштитена соба лоцирана во Калифорнија. Во меѓувреме на друго место биле поставени садови со вода кои ќе послужат за контрола.
Целта на експериментот била да докаже дека емоционалните енергии може да ја сменат физичката структура на водата. По изложувањето на позитивните мисли, водата била замрзната, по што се анализирала формата на нејзините кристали. Онаа вода која била изложена на добра емоционална вибрација под микроскоп покажувала убаво формирани кристали, за разлика од водата изложена на негативни мисли каде кристалите биле со неправилен изглед.
Уште еден од експериментите кои ги спроведе Емото е и оној со оризот во тегла со вода. Три идентични тегли се исполнети со ориз и вода и оставени да стојат еден месец. На едната тегла и се испраќаат позитивни емоции, на втората негативни, додека третата потполно се игнорира. На крајот од експериментот првата тегла е речиси неизменета, додека други две се расипани.
Научната заедница често го критикува доктор Масару бидејќи неговите експерименти немаат доволно експериментална контрола. Освен тоа тој не споделува детали околу својот научен пристап што фрла сомнеж врз веродостојноста на резултатите.
Интересно е што независно од тоа што го мисли научната заедница, многумина кои се обиделе да го спроведат експериментот со оризот на дело најчесто добиваат сличен епилог.