Навистина звучи како извадок од научно фантастичен филм, но таблетата која го одложува стареењето наскоро би можела да ни овозможи да го доживееме барем 120-тиот роденден.
Станува збор за откривање на антиоксиданс кој го одложува процесот на стареење. Оваа формула до сега успешно е тестирана врз стаорци, глувци, па дури и кучиња, а резултатите биле повеќе од неверојатни.
Научниците се надеваат дека нивната таблета би можела да влијае на митохондриите – делот од клетката кој е задолжен за производство на енергија, но е и одговорен за почеток на стареењето.
Многу болести се поврзани со стареењето, па нашето тестирање се одвиваше многу бавно. Митохондриите се одговорни за срцеви удари, а поврзани се со разни болести како Алцхајмеровата и Паркинсовата болест, изјавува научникот д-р Максим Скулачев од универзитетот во Москва .
Д-р Максим Скулачев
Тој вели дека е сосема реалистично да се очекува продолжување на животниот век на човекот на 120 години, со земање на лекови против стареење, но не верува дека истиот би можел да се зголеми повеќе, на пример на 800 години.
- Најверојатно ќе се појават нови болести, кои ќе бидат типични за 120 годишниот човек, додава Скулачев.
Треба да се напомене дека новите лекови не би придонеле за драстично продолжување на животот, туку наместо тоа, нивниот ефект е одложување на стареењето. Прашањето е само, дали сме подготвени за подолг живот.