Необичната мумија на 50 –годишна жена која во 2012-та беше пронајдена во близина на Пачакамак, Перу, наскоро ќе биде претставена пред јавноста.
Француските археолози деновиве внимателно ја подготвуваат мумијата стара 1000 години која кон крајот на месецот ќе биде изложена во Musee de Confluences во Лион.
Освен оваа мумија во стуткана положба во гробницата пред 2 години беа пронајдени повеќе од 80 мумии и скелети, меѓу кои и оние на бебиња и деца за кои се верува дека биле ритуално убивани.
Се верува дека труповите им припаѓаат на луѓе кои живееле помеѓу 800 и 1450 година и го следеле богот Пача Камак. Изградиле 17 пирамиди и се претопиле со Инките откако тие го освоиле најголемиот дел од Јужна Америка.