Мумија на бебе стара повеќе од 1000 години е пронајдена заедно со низа други добро зачувани мумифицирани скелети во периферијата на Лима, Перу.
-Досега пронајдовме повеќе од 40 мумии, а бројот се зголемува од ден на ден. Имајќи ја во предвид близината на градот и традицијата на крадење во областа, прилично сме изненадени што повеќето од примероците се непроменети и недопрени. Само дел од нив претрпеле оштета од човечка акција, вели археологот Гиљермо Кук кој е еден од многуте кои работат на случајот.
Тимот на научници пронајде вкупно 26 гробници во кои има како деца така и возрасни. Последното откритие од овој тип е направено во близина на Puruchuco – Huaquerones најголемите гробишта на Инките некогаш ископани.
Во последните 60 години научниците истражија само 10 проценти од овој историски сајт. За сега се откриени 2000 мумии, керамички предмети и стотици парчиња текстил, сребро, бакар и злато.