За прв пат во историјата, кинеските научници објавија дека успешно го измениле геномот на човечкиот ембрион, а тоа достигнување предизвикало жестоки дебати за етничките можности при такви експерименти. Овој експеримент бил спроведен на универзитетот Сун Јат-Сен во Гуангџоу во Кина, на кој работеле 16 научници.
Тие се потрудиле да дознаат дали би можеле да ја излечат болеста на генот предизвикана од бета-таласемија (генетско нарушување на крвта кое би можело да доведе до тешка анемија, заостанат раст, скелетна аномалија, па дури и смрт), така што ќе го изменат ембрионалниот геном. Користеле техника за обработка на генот преку која во ембрионот вбризгувале заштитнички ДНК елемент, кој се состои од бактерии и специфичен протеин.
- Научниот тим користел само „неодржливи“ ембриони, добиени од локалните клиники за плодност, кои биле преголеми па поради тоа не можеле да се развијат во плод, истакнал предводникот на ова истражување, Јун Јие Хуанг.
Некои научници тврдат дека техниката на измената на ембрионалниот ген може да има светла иднина, бидејќи би помогнало во искоренувањето на разни генетски болести пред да се роди бебето. Сепак, други научници, стравуваат дека таквата технологија е неморална па дури и опасна, бидејќи може да предизвика хаос во човечкиот геном, кој е наследен.