Apple поднесе барање за заштита на технологијата која би користела соларни келии во сензорите на допир во своите уреди и компјутери.
Иако Apple е познат по тоа да ги патентира своите идеи, непознато е тоа дали ќе ја видиме оваа технологија во новиот iPhone или со ова само ја заплашува конкуренцијата.
Компанијата до сега има повеќе од 16 иновации поврзани со соларните полнења за идните производи од периферија, компјутери па се до самите паметни телефони.
Интересно е дека се шушка како оваа технологија може да заживее веќе на следниот телефон, каде соларните келии би биле вградени под екранот чувствителен на допир.
Новиот iPhone 7 би требало да има и нешто поголем екран што оди во прилог на идејата за соларно полнење на уредот.
Старите модели имаа малку простор над и под екранот за нешта како што е “home“ копчето, но на новиот модел тој дел од просторот би можел да биде отстранет, што укажува на тоа дека токму iPhone 7 е идеален за нова технологија.
Факт е дека компанијата бара нови начини за подобрување на траењето на батеријата, а ова е само една од многубројните идеи кои се развиваат во нивните лаборатории.
Исто така новиот iOS 9 има и нова опција која нуди можност за заштита на батерија, односно продолжување на траењето на батеријата на начин автоматски да се гасат позадинските апликации кои трошат ресурси.
Се на сè, ќе биде интересно да се види во која насока ќе се развива Apple и дали воопшто ќе ја видиме можноста на полнење на уредот преку сончевата енергија.