Речиси 1,5 милијарди корисници на Facebook секоја минута „лајкуваат“ 4,1 милион постови, односно 350 милиони за само еден час.
Фирмата за деловен менаџмент „Домо“ објави нова инфографика во која се прикажани активностите на луѓето за само една минута на најпопуларните социјални мрежи и онлајн сервиси, како Instagram, Netflix, Snapchat или YouTube.
Бројките покажуваат дека на Twitter се испраќаат речиси 350.000 твитови, а во истовреме корисниците на YouTube поставуваат дури 300 часа нов видео материјал. Додека Uber примил 694 нови возења, корисниците на Skype извршиле 110.040 повици, а во исто време „симнати“ се 51.000 апликации од продавницата на Apple.