Компанијата Nexbit, која ја водат поранешните вработени во Google, Amazon, Apple и HTC планира да го претстави својот прв Android паметен телефон на први септември.
Во интервјуто кое го дадоа претставниците на компанијата изјавија дека уредот ќе чини помеѓу 300 и 400 долари.
“Вашиот телефон со текот на времето ќе функционира се подобро и подобро поради постојаното подобрување на софтверот“, соопштија од компанијата.
Шефот на технолошкото одделение Мајк Чен, некогашен член на Android тимот, вели дека вработените во компанијата се насочени на тоа уредот да го прилагодат на корисникот. Не прецизираше што под тоа точно подразбира.
Поранешните извештаи сугерираа дека компанијата ќе вклучи специјален софтвер кој му овозможува на корисникот да ја сочува апликацијата во било која форма и ја префрла на другите уреди.
Компанијата ќе мора да направи многу повеќе од тоа само да ги копира постоечките можности на паметните телефони, за да ги импресионира купувачите на се поконкурентниот пазар.
HTC скоро не се ни забележува, профитот на Samsung опаѓа, OnePlus почнува да нуди се повеќе опции за помалку пари, а кинеските компании како Huawei, Xiaomi и ZTE стануваат се порамноправни во трката по купувачи.
Сепак, од компанијата се самоуверени.
“Заморот на пазарот на телефони е реален, затоа правиме нешто поинакво“, тврди извршниот директор на компанијата Том Мос.