На пазарот во последно време се почесто се нудат разни батериски и акумулаторски домашни системи за складирање на енергија, па дури и Tesla Motors одлучи да ги прилагоди своите батериски пакети за автомобили за домашни системи.
Eric Clifton, основачот на Orison, произведе истоимен домашен систем за складирање на енергија, кој првенствено го одликува симпатичен дизајн кој лесно се вклопува во домовите, иако изумителот го претставува и како енергетски најфункционален од сите на пазарот.
Orison пристигнува во две дизајнерски решенија, како систем кој стои (Orison Tower) и како ѕиден панел (Orison Panel), а двата системи имаат можност за користење на расветлување па гостите нема да се посомневаат дека се работи за акумулаторски системи.
Clifton наведува дека системот е многу паметен, па на пример е во состојба да складира енергија која навечер е поевтина како и да ја упатува во домашната мрежа кога е поскапа.
Освен тоа, Orison можете да го користите за складирање на енергија од обновливи извори (сончеви колектори, мини електрани), а дистрибуцијата на струјата на споените уреди ја управувате преку апликација за паметни телефони. И на крај Clifton ја истакнува и можноста за користење на функции за непрекинато напојување, па неговата струја во милисекунда ќе овозможи продолжување на работата на компјутерите или на гледањето на ТВ доколку снема струја.
Цената на уредот преку нарачка на Kickstarter се движи од 1200 долари за систем од 2,2 kWh, а испораката треба да започне наскоро.