Компанијата Samsung ја претстави камерата Gear 360, која може да снима под агол од 360 степени.
Се работи за камера со два сензора од 15 мегапиксели, кои се наоѓаат позади fisheye леќата, а на неа има и мал екран од 0,5 инчи. Камерата може да се држи во рака по поставувањето на рачката или да се стави на подлога со помош на мини трипод. Рачката и триподот се вртат на одредени места на камерата и пристигнуваат во истото пакување.
Од Samsung тврдат дека камерата снима видео резолуција од 3.840x1.920 пиксели при 30 фрејмови по секунда.
Тоа значи дека е многу близу до 4К резолуција. Фотографиите се многу поголеми, а нивната резолуција изнесува 7.775x3.888 пиксели, односно 30 мегапиксели. Камерата не поседува интерна меморија, туку има microSD, кој подржува картичка до 128 GB.
Камерата Gear 360 овозможува снимање на видеа кои можат да се гледаат со помош на Gear VR уред.
Можно е камерата да се синхронизира со паметните телефони Galaxy S7 и S7 Edge, за да со неа се управува од далечина.
Исто така снимената содржина може да се прегледа во живо на екранот на паметните телефони.
Освен тоа секое видео кое се снима може да се прегледа, едитира и сочува на телефонот.