Со оглед на тоа дека корисниците на Facebook се помалку објавуваат оригинални содржини, на најголемата социјална мрежа од голема важност и е да измисли нови функции со кои ќе ги натера луѓето да објавуваат сопствени материјали.
На неодамна одржаната F8 конференција за дивелопери, Facebook истакна колку му е важна функцијата Live Video, која ќе им овозможи на корисниците во „живо“ да ги емитираат сопствените видео преноси од разни случувања за членовите на своите групи или за целата јавност директно од своите паметни телефони, додека истовремено има намера да заработува од живите видео емисии кои ќе ги продуцира и емитира во професионални студија.
Но, тука постои еден проблем. Корисниците до видеата можат да дојдат само преку поделба (шерување) од страна на своите пријатели или страници и групи кои ги следат, бидејќи не постои систем на пребарување кој би им овозможил да го бараа тој тип на видео пренос кој ги интересира.
Затоа компанијата има намера во сето ова да ја вклучи вештачката интелигенција која во реално време ќе ги „гледа“ сите филмови кои ќе се појават на социјалните мрежи и во нив автоматски ќе ги препознава луѓето, животните, локациите, предметите, случувањата и останатите содржини и ќе разбере што се случува во нив за да може да ги класифицира и понуди како соодветно видео.
Joaquin Quiñonero Candela, шеф на одделот Applied Machine Learning, во разговор за Popular Science откри дека Al ќе има можност филмовите автоматски да ги уфрла во канали со специфична содржина како и во живо да ги едитира за корисниците да добијат како што велат „сопствени ТВ станици“