Обновливите извори на енергија сè иднината кон која се стреми човештвото – според одредени студии, до 2050 год. Соединетите Американски Држави би можеле комплетно да се напојуваат со таква енергија (во најголем процент од соларната и ветерната).
Меѓутоа, постои уште еден огромен извор на обновлива енергија кој досега не е доволно искористен – океаните. Тука на сцена настапува Triton – уред создаден од компанијата Oscilla Power, кој ја собира кинетичката енергија од океанските бранови. Со оглед на тоа што земјината топка има околу 1.4 билиони кубни километри вода во океаните, тоа е огромна количина на енергија која што може да се искористи.
Triton нема ниту мотори ниту подвижни делови (што е одлично во случај од оштетувања од големи/груби бранови), туку само серија генератори поставени на плоча која плови и се стабилизира со помош на подводни кабли.
Функционира на прилично едноставен начин – како што брановите удираат во Triton, со помош на флексибилните јажиња кои асиметричната металната плоча ја движат на неколку разни начини, во неа се создава променлив магнетски поларитет кој што генерира електрицитет.
Еден ваков уред може да произведува до 600kW електрична енергија – просечно домаќинство користи 1.26kW секој месец, што значи само еден Triton би можел да напојува по 500-тини домови месечно.
Моментално, Triton поминува низ тестирања во помали простори, пред неговите изумители да се осигураат дека е „спремен“ за пространите океански води. Доколку е успешен во тоа, би можел да ги снабдува САД со третина од нејзината потребна електрична енергија, а би биле покриени и 15% од глобалната побарувачка за електрицитет.