Сите апликации за Apple Watch паметниот часовник од 1 јуни оваа година ќе мораат да се изработуваат со помош на најновиот Apple WatchOS 2 SDK (software development kit).
Тоа значи дека дивелоперите од трета страна кои ќе сакаат да произведуваат апликации за овој часовник ќе имаат одредени ограничувања, но на корисниците ќе им се понуди можност апликациите да им работат без размена на податоци со iPhone, со што паметниот часовник на Apple ќе понуди поголема автономија и независност од телефонот.
Apple во месец јуни оваа година ќе го одржи својот настан под називот Worldwide Developer Conference, на кој ќе биде претставена и новата верзија на неговиот паметен Apple Watch часовник, а досегашните гласини говорат дека ќе се работи за многу мали промени во однос на постоечките модели.