Кинеската компанија EHang уште во јануари го претстави својот дрон наречен EHANG 184 , способен за транспортирање на еден патник во времетрање од 23 минути, на далечина од над 16 километри, летајќи со брзина до 105 км/ч. Уште од тогаш почнаа шпекулациите за што сè ќе се користи, а сега самата компанија најави дека неговата првична намена ќе биде пренесување на органи за трансплантација.
Во партнерство со Lung Biotechnology PBC, EHNANG 184 ќе биде адаптиран за брзо пренесување на органите до посакуваната дестинација, а компанијата планира да купи до 1000 дронови и да создаде комплетно автоматизиран систем за нивно испорачување. Инаку, карактеристиките на дронот се околу 130 см висина и 200 кг тежина.
Овој план е дел од MOTH (Manufacutred Organ Transport Helicopter) системот – 15 годишен план кој се уште е во првичните фази, но со кој еден ден ќе се испорачуваат стотици органи дневно.
Технологијата вградена во EHANG 184 е идеална за HITS( Highway In The Sky/Автопат на небото) и LLIR (Low-Level IFR Route) програмите, и компанијата смета со развој на овој систем ќе можат да се спасуваат не само по неколку десетици илјади животи, туку и на годишно ниво ќе се заштедат милиони галони горива кои ги користи авијацијата.