Истражувачи од Nanyang Technological University во Сингапур создале лепило кое може да биде пресвртница во производството од биолошки импланти па до автомобили.
Ова ново лепило е течен гел кој се суши и ја постигнува целосната сила кога низ него ќе се пушти струја со силина помала од 2 волти, при што се формира јака полимер врска. Лепилото престанува да се суши и зацврстува веднаш штом струјата се исклучи, што значи дека со варирањето на волтажата и траењето на изложување на струја, корисникот може да ја подесува неговата јачина.
Инаку, гелот е течност со ниска вискозност и со него лесно се покрива било кој материјал кој треба да се сврзе, а по пуштањето струја создадениот лепило создава врска со висока еластичност и сила на смолкнување.
Лепилата кои бргу се сушат кои се моментално на располагање и се користат во индустријата, се активираат со светлина, топлина, или хемиски катализатори – сето ова ја лимитира нивната употреба со одредени материјали во пригодни опкружувања. На пример, лепилата кои се активираат со светлина можат да се употребуваат единствено на материјали кои што се донекаде транспарентни, додека они кои реагираат на топлина можат да се користат со компоненти кои се способни да издржуваат топлина со одредени температури.
Инаку, ваков тип на брзосушечки лепила најмногу се користат за изработка на медицински уреди, автомобили и останати комерцијални продукти каде што тие се претпочитаат наместо потешки механички спојки (како навртки, завртки и сл.), кои побаруваат и поголема работна сила и кои го ослабуваат материјалот во процесот на интегрирањето во него.
Овој тип на лепила, меѓу другите гранки, би нашол огромна примена во биоелектрониката или полимерната електроника дизајнирана да се спојува со живи ткива, кај која оние кои реагираат на светлина или температура се проблематични.