Индискиот огранок на LG Electronics почнал да продава телевизори кои имаат систем за одбивање на комарци (кои можат да шират болести како малариа, Зика или денга треската)
Технологијата која LG ја рекламираат како “Mosquito Away Technology” користи ултрасонични бранови кои се нечујни за луѓето, но ги бркаат комарците.
Истата технологија (која е сертифицирана како ефективна преку тестирања во независни лаборатории) LG ја користи и во некои нивни клима уреди и машини за перење алишта, а функционира и кога уредот е исклучен.
Овој модел на телевизор ќе има две варијанти (од $394 и $706) и првенствено ќе биде наменет за потрошувачите со пониски примања, кои живеат во услови каде што се ранливи на нападите од комарците.
Ќе се продава во Филипини и Шри Ланка, а официјално лице од LG Electronics вели дека компанијата сега засега нема никакви планови да го продава овој модел и на останатите светски пазари.