Kai Kloepfer е 19 годишно момче, основач на Biofire Technologies – стартап компанија која развива и планира да продава „smart” оружја.
Ваквиот тип на оружја би можеле драстично да ја редуцираат бројката на самоубиства, како и на намерни напади со оружја преку нивната заштита – со нив би можеле да пукаат исклучиво сопствениците чиј што отисок на прст е регистриран со оружјето и кој што ќе се проверува во листата на оператори чии информации се вградени во него заштитени со енкрипција од воен степен. Така, на пример, доколку во домот се наоѓа пиштол регистриран на име/отисок од прсти на таткото, никој друг освен него нема да може да пука со него без разлика дали намерно или случајно.
Kai на овој „smart” пиштол работи уште од 2013-та, за чиј што дизајн и прототип тогаш добил врвна инженерска награда и прво место на Intel Science Fair. Неговиот последен прототип е изработен од 3D принтана пластика и не е способен да пука, а моментално развива далеку поусовршен алфа прототип кој ќе може да пука со вистинска муниција.