Кинеската корпорација за воздухопловна наука и технологија (CASTC) има намера да го смени начинот на кој што би патуваме во Вселената.
Таа започнува напредно истражување на технологијата која треба да создаде поефикасен наследник од „пензионираниот“ Спејс Шатл, составен од комбинирани хибридни мотори кои ќе му овозможат да полета во вселената директно од авионска писта на било кој аеродром.
Zhang Yong, еден од инженерите од CASTC, тврди дека Кина ќе ги усоврши овие технологии во наредните 3 до 5 години и функционален вселенски авион во реална големина би требало веќе да почне да се користи до 2030-та год.
Хибридните мотори на овој авион би користеле turbofan или turbojet млазни мотори за хоризонтално полетување од писта, а штом веќе полета, во функција би се вклучиле моторите со ramjet погон кои со зголемување на брзината би се адаптирале во scramjet мотори со суперсонично струење. Во последнава фаза, хибридниот вселенски авион би влегол во хиперсоничен лет близу Вселената, во која би влегол со помош на ракетни мотори кои би го „подбутнале“ во орбита.
Ваквите авиони значително би ја намалиле цената на лансирањата на летала во вселената, а би овозможиле и вселенски туризам.