Веќе подолго време се очекува 3D принтањето да ја револуционизира градежната индустрија , а додека тоа се случи, градежните компании се интересираат и за останати технологии кои ќе им овозможат да ги градат домовите на иднината – технологии кои би овозможиле изградба на куќи за мала цена и во рекордно брзо време.
Една од тие технологии се роботите, а еден од најусовршените досега за градежна намена е Hadrian X – Австралиски роботски ѕидар.
За разлика од другите видови на изградба, структурите од цигли во најголем број на случаи се изработени од луѓе на кои за завршување на работата им се потребни денови. Hadrian X може да положи 1000 стандардни ѕигли за само еден час, со помош на 30-метарскиот кран.
Hadrian X функционира како 3D принтер, користејќи ги роботските раце да ги поставува циглите точно онаму каде што (според планот) се потребни. При тоа се штеди и на малтер, бидејќи циглите се исклучително прецизно споени.
Компанијата која го има направено се вика Fastbrick Robotics, и во партнерство со Archistruct Builders and Designers имаат конструирано 11 домови, секој од нив на површина од најмалку 180 метри квадратни, со најмалку 3 спални и 2 купатила.
Со помош на технологија како што е Hadrian X, би било многу поизводливо да се создадат безбедни живеалишта за над 100 милиони бездомници ширум светот.