Улиците на Дубаи наскоро ќе ги патролираат роботски полицајци – прототип на новиот роботски полицаец беше прикажан на GITEX (Gulf Information Technology Exhibition), годишниот саем за компјутери и електроника во Дубаи.
Прототипот е способен да ги скенира лицата и е опремен со екран на допир преку кој што може да се пријави криминално дејствие или да се процесираат плаќања за сообраќајни казни, а може и да салутира и да се поздравува со рака.
Роботскиот полицаец, откога ќе му се надгради технологијата за вештачка интелигенција (AI), ќе може да забележува луѓе од 10-20 метри далечина, да им се доближува и да ги поздравува. Неговите креатори работат и со суперкомпјутерот на IBM наречен Watson, како и со Google, за да на роботот додадат систем за виртуелна асистенција која што ќе му овозможи да препознава и говорни команди.
Дубаи верзијата на RoboCop не е првиот робот-полицаец – досега се направени неколку роботи и AI системи кои се користат за специфични задачи, како на пример за скенирање на бомби или бркање на натрапници од домовите, а во Русија, пак, полицајците имаат и уапсено робот кој на политички митинг ги снимал изјавите на присутните во врска со еден од кандидатите.