Со доволно волј, и подоцна во животот може да се научи некоја нова вештина – сликање, скијање, свирење на гитара или некој друг инструмент, и сл. Но, со AirJamz ќе може да уживате во „свирки“ со друштвото и без никакво знаење за свирење на инструмент.
AirJamz e гаџет во функција на играчка кој изгледа како трзалка за гитара и кој преку Bluetooth конекција се поврзува со било кој смартфон (iPhone или Android), а овозможува „свирење“ на над 25 песни со 4 играчи истовремено.
Тоа се прави со негово движење исто како врз жици од гитара, со тоа што колку побргу се движи, толку брзината на музиката која што се слуша на телефонот се зголемува. На него има малечко копче со кое што се менуваат 4 типа на гитари на која што се „свири“, а тие 4 се менуваат во зависност од песната.
Освен свирење на „воздушна гитара“, ќе имате пристап на над 100 инструменти, ласери и синтисајзерски звуци. Како и сè останато денес, најдобрите или најлоши „перформанси“ ќе може да се споделуваат на Instagram или Snapchat.