Научници од Националниот Австралиски Универзитет развиле уред од нано-материјал за кој велат дека креира холографски слики со најголем квалитет – нешто слично како на оние од серијалот Војна на ѕвездите.
Новиот материјал ја манипулира светлината со екстремна точност, а бидејќи уредот е мал, тоа значи дека холограмската технологија би можела да се имплементира и во малечки персонални гаџети, како смартфоните.
Рамните слики на телевизорите и комјутерските екрани ја презентираат информацијата во само 2 димензии, а за лебдечки 3D холограми (како оној на принцезата Леа) потребно е светлината да се манипулира во 3 димензии – нешто што новиот нано материјал го прави и тоа во 3 димензии на инфрацрвена светлина.
Материјалот е создаден од милиони малечки силиконски столбчиња, секој од нив 500 пати потенок од човечко влакно. Со манипулирање на површината на овие нано-столбчиња, од кои секој функционира како еден вид на проектор на пиксели, системот е способен да генерира монохроматски холограми (во нијанси од една боја). Материјалот е транспарентен, што значи дека губи минимум енергија од светлината.
За да ги презентираат можностите на оваа нова технологија, тие креирале слика на 3D кенгур.
Сега за сега, системот е лимитиран на прикажување на многу мали холограми – со широчина од 0.75mm до 5mm.
Штом се усоврши, овој тип на технологија би можел да се вградува во гаџети кои ги користиме секојдневно, овозможувајќи на камерите да ја снимаат светлината во три димензии, како и во напредни оптички системи кои би се користеле во опрема наменета за научни експерименти.