Оние кои земаат лекови како дел од постојана терапија, се случува понекогаш да заборават на рутината, особено доколку се постари или имаат потешкотии со меморијата – што понекогаш може да претставува голем ризик за здравјето.
Тука на сцена стапува PillDrill – систем кој се состои од уред кој изгледа како аларм часовник, држачи за шишенцата со апчиња (со RFID таг) на кои се обележани деновите од неделата, неколку RFID тагови за сопствените шишенца, „mood cube” и апликација за смартфон.
За да PillDrill го научи распоредот кои лекови кој ден ги земате, потребно е само да ги скенирате RFID (идентификација со радио фреквенција) таговите на шишенцето, пред да го земете лекот и системот ќе го запомни.
Потоа, уредот ќе го предупредува пациентот и членовите на фамилијата (или оние кои се грижат за него) доколку некое апче не се земе во потребниот период, а тоа ќе го прави со светло кое трепка на него, звучни сигнали, како и преку апликацијата или СМС порака.
Исто така, може да се искористи апликацијата или форма на сајтот за мануелно да се впише распоредот и името на секој лек, доколку тоа сакате веднаш да го направите.
“Mood cube” , односно коцката за прикажување на расположението, служи за пациентот да ја внесе моменталната состојба во уредот со скенирање на едно од 5-те смајлија, (кои симболизираат „одлична“, “добра“, “ОК“, “лоша“, и “ужасна“ ) , па така PillDrill може да се нагоди да испрати нотификација до фамилијата доколку пациентот внесе дека се чувствува лошо или ужасно.
Целиот пакет чини $200, но засега се продава само во Северна Америка – а доколку се покаже успешен на пазарот, можна е и негова интернационална дистрибуција.