Кога во зимскиот период сте „заглавени“ по дома на топло, баш и не е лесно да се натерате да отидете во сауна да се релаксирате. Покрај малтретирањето поврзано со облекувањето и патувањето до таму и назад, тука е и цената за оваа услуга која обично не е воопшто ниска.
Како и за скоро сè друго, и за ова има каква-таква замена во облик на гаџет.
Tuningdome Infrared Warm Therapy Personal Care Archsauna е керамички уред за затоплување кој може да постигне максимална температура до 90°C за само 3 минути, но поради инфрацрвените топлотни извори не претставува ризик за изгореници на кожата, а емитира многу ниско електромагнетно зрачење. Топлината може да ја одржува 20 40, или 60 минути, а таа може да се нагодува да изнесува 55, 75, или 90°C
Archsauna може да се користи на кревет, кауч или било каде во домот, а се препорачува за подобрување на циркулацијата на крвта, олабавување на мускулите, намалување на стресот, но и за помош при некои здравствени состојби како складирање на вода под кожата.
Тежи околу 3,5kg, а може и лесно да се склопи и спреми во торба, па да ви е секогаш „при рака“ дури и кога подолг период сте некаде на пат.