Конечно, повторно ќе може да користиме еден од најпопуларните мобилни телефони во историјата.
Станува збор за познатата Nokia 3310, којa, верувале или не, повторно е изработенa и може да ја купите за само 49 евра. Арто Нумел, шеф на компанијата HMD Global, која ги откупи правата на Nokia, ги потенцираше трите најважни работи кои треба да ги знаете за овој модел: батерија со траење од месец дена, познатата игра змија и познатиот рингтон на Nokia.
Продажбата на овој телефон сигурно нема да оди како на почетокот на неговото појавување, но најверојатно ќе се појават некои „носталгични“ кои ќе го купат овој модел. Ова е одличен PR потег на компанијата, бидејќи откако објавија дека повторно ќе го произведат овој модел, сите медиуми ја пренесуваа информацијата.
Новата Nokia 3310 доаѓа со модерен дизајн, камера со резолуција од 2MP и екран во боја со 240х320 пиксели. На телефонот ќе може да се сурфа на интернет со брзина од 2G и да се игра змија.