Користејќи систем од електроди и сензори, истражувачи од Националниот универзитет од Сингапур успеале дигитално да го пренесат основниот изглед и вкус на лимонадата, во чашка со обична вода.
Тимот користел боја и pH сензори за да ги „фати“ бојата на лимонот и киселоста свежата лимонада и тие податоци да ги префрли до електроди кои се наоѓале во чашка со обична вода. Сетилото за вкус кај примателот било стимулирано со електрицитет од електродите, а LED светлата ја имитирале бојата на лимонот – па така она што го пиел
Концептот зад овој концепт е да им се овозможи на луѓето кои физички се разделени, меѓусебно да си ги споделуваат сетилните искуства онлајн. Крајната цел би била, наместо на пример постирање на слики од пијалаци или храна на социјалните медиуми, тој вкус да се upload-ира и да се сподели со пријателите.
Тимот ја тестирал „дигиталната кригла“ со 13 тест субјекти кои не знаеле дали лимонадата е вистинска или не. Биле тестирани лимонади кои биле бели, зелени или жолти, а било востановено дека иако вистинската лимонада била по кисела од виртуелната, тестираните луѓе тврделе дека е спротивно – што најверојатно било предизвикано поради силината на LED светлата која им ја менувала перцепцијата на вкусот.
Споделувањето преку социјалните медиуми би било само зачеток на овој вид на технологија – виртуелните пијалаци би им овозможиле на луѓето да уживаат во слаткасти пијалаци без тие да влијаат на нивниот шеќер во крвта или забите или пак да пијат алкохолен пијалак без да се опијануваат.