Тим истражувачи од MIT создал спортска облека во која се вградени живи микробиолошки клетки. Со дизајн кој изгледа како да е од научнофантастичен филм, оваа облека која самата се вентилира е наменета да му овозможи на телото да дише и не се поти, а доаѓа во пар со патики за трчање кои во внатрешноста ги имаат вградено живите клетки.
Клетките кои истражувачите ги искористиле се од најчестиот вид на непатогената нишка на E.coli и биле испринтани на листови од латекс. Клетките потоа биле дизајнирани во клапи за вентилација на спортскиот дрес, кои се откараат и затвараат како реакција на топлината и потта генерирана од телото на спортистот. Микробиолошките клетки реагираат на промените во влажноста на воздухот, ширејќи се кога телото почнува да се поти и намалувајќи се кога тоа се лади.
Овој проект е пример за искористувањето на моќта на биологијата за дизајнирање на нови материјали и уреди со кои ќе се постигнуваат нови функции. Овие нови „живи“ материјали и уреди ќе бидат употребени во важни апликации на интерфејсот помеѓу инженерските и биолошките системи.